Понеделник, 18 мај 2015 – Бензините од вечерва на полноќ поевтинуваат за 1,5 денари од литар, а дизелот поскапува за 0,5 денари, одлучи денеска Регулаторната комисија за енергетика.

Бензинот ЕУРОСУПЕР БС-95 ќе се продава за 70,5 денари за литар, а ЕУРОСУПЕР БС-98 за 72,5 денари. Новата цена на ЕУРОДИЗЕЛ (Д-Е V) ќе биде 58 денари за литар, а на екстралесното масло за домаќинство (ЕЛ-1) 46,5 денари. За 0,705 денари поевтинува мазутот М-1 НС и ќе се продава за 28,934 денари за килограм.