Среда, 23 септември 2015 – Европската комисија соопшти денеска дека отвoра 40 казнени процедури против држави од Европската унија, меѓу кои Бугарија, поради тоа што не ги примениле правилно заедничките законски прописи поврзани со мигрантите, пренесе МИА.

Против Бугарија се отворени три процедури, две „официјално информативни писма“ и еден „мотивирачки став“. Трите процедури се поврзани со недостиг на податоци дали Бугарија соодветно ги применува законите на ЕУ.

Во појаснувањето се наведува дека Бугарија не соопштила какви национални мерки презела за да ја примени директивата од 2011 година, со која се определуваат минималните стандарди за давањето заштита на граѓани надвор од државите на ЕУ или на лица без државјанство. Бугарија, според ЕК, не ја спровела и директивата по процедурите за давање азил. Со оваа директива се утврдуваат правилата за давање и одземање азил и таа е одобрена во 2005 година и во националното законодавство требало да биде воведена до 20 јули.