Четврток, 31 јули 2014 – Фондот за здравство на Македонија и Агенцијата за вработување денеска ги најавија двата нови модалитети во нивното работење.

Од двете иснтитуции велат дека се работи за олеснување на постапката при стапување во здравствено осигурување за лицата кои се вработуваат и променуваат работни места со автоматско стапување во здравствено осигурување кое е овозможено преку електронско поврзување со системот на АВРМ во реално време (М1/М2).

Според новитетите, ако досега фирмите требаше да ги пријавуваат овие лица преку шалтерите или преку веб порталот на Фондот, од 01.08 овие лица автоматски ќе добиваат здравствено осигурување.

Од Фондот соопштуваат дека ова е новина и олеснување за сите фирми (околу 60.000) кои месечно во Фондот доставуваат околу 30.000 промени за вработени и членови на фамилии.

„Тоа значи дека ако едно лице се вработи или пак го промени работното место, тоа лице и неговите членови на семејството автоматски ќе добијат здравствено осигурување без пријавување во Фондот и без ризик од прекин на континуитетот во здравственото осигурување поради неажурност на фирмата“, велат од таму, додавајќи дека втората новина се однесува на добивање на електронски изводи по службена должност од матичната книга за новородени деца, кои досега осигурениците требаа да ги носат во копија за да се добие здравствено осигурување.

(M.В)