Обвинителите на обука: „Заштита на личните податоци / Слободен пристап до информации од јавен карактер“
Петок, 27 март 2015 – Во согласност со Kаталогот за задолжителна континуирана обука за судии, јавни обвинители, претседатели на судови и јавни обвинители на јавните обвинителства, Академијата за судии и јавни обвинители „Павел Шатев“ денеска во своите простории организира тркалезна маса на тема: „Заштита на личните податоци / Слободен пристап до информации од јавен карактер“.
Тркалезната маса е наменета за јавните обвинители на јавните обвинителства.
На настанот свое излагање ќе имаат: Добринка Борисовска-Господинова, раководител на Сектор за европска интеграција, проекти и меѓународна соработка, Дирекција за заштита на личните податоци; Билјана Волческа, виш инспектор за заштита на личните податоци, Дирекција за заштита на личните податоци; Цвета Трајковска, раководител на одделение, Комисија за заштита на правото за слободен пристап до информациите од јавен карактер и Јорданка Стојкова, помошник-раководител на сектор, Комисија за заштита на правото за слободен пристап до информациите од јавен карактер.
Темите што ќе бидат опфатени во рамките на тркалезната маса се следните:
- Основните поими во Законот за заштита на личните податоци/ Надлежности на Дирекцијата за заштита на личните податоци/ Обврски за судовите според прописите за заштита на личните податоци;
- Примена на основни принципи на заштита на личните податоци во практиката во судството / Остварување на правата на субјектите на лични податоци / Технички и организациски мерки за обезбедување тајност и заштита на обработката на личните податоци во судовите/ Случај од судската пракса на Судот на правдата на ЕУ и Европскиот суд за човекови права во Стразбур;
- Балансирање на правото на слободен пристап до информации и заштита на личните податоци / Случај од судската пракса во Република Македонија
- Закон за слободен пристап до информации од јавен карактер – досегашни искуства од примената на Законот.
Работни материјали: 1.Презентација 1 2.Презентација 2 3.Презентација 3 4.Презентација 4 5.Презентација 5