/ Прочитано:

1.242

Правата на барателите на азил и мигрантите – МЗМП промовираше збирка пресуди на ЕСЧП, подготвена од судијката Мирјана Лазарова-Трајковска

Македонското здружение на млади правници, во соработка со Канцеларијата на Високиот комесаријат за бегалци во Скопје, ја промовираше новата збирка пресуди на Европскиот суд за човекови права „Права на барателите на азил и мигрантите – збирка пресуди на Европскиот суд за човекови права со коментар”.

akademik foto 1

Збирката е подготвена од д-р Мирјана Лазарова-Трајковска, судија во Европскиот суд за човекови права, на иницијатива на Македонското здружение на млади правници.

Во збирката се вклучени поважните пресуди на ЕСЧП во врска со правата на барателите на азил, бегалците и мигрантите, како и анализа и коментари на праксата на Судот.

„Целта на ова издание  е оние што работат на оваа материја да имаат пред себе книга на македонски јазик, која на едноставен начин ќе им ги приближи најважните пресуди на ЕСЧП за заштита на правата на бегалците и мигрантите“, вели д-р Мирјана Лазарова-Трајковска.

M.В