ПРВА ШКОЛА ЗА МЛАДИ КРИВИЧАРИ НА ЗДРУЖЕНИЕТО НА МЛАДИ КРИВИЧАРИ: „Реформата на материјалното казнено право – контекстуални аспекти“
Здружението на млади кривичари на Република Македонија ќе ја организира првата Школа за млади кривичари на тема: „Реформата на материјалното казнено право – контекстуални аспекти“.
Здружението на млади кривичари на Република Македонија, во рамките на предвидените активности, на 24.9.2016 година во Охрид, ќе ја организира првата Школа за млади кривичари, на тема: „Реформата на материјалното казнено право – контекстуални аспекти“.
На Школата свое учество ќе земат еминентни професори и експерти од областа на казненото право во Република Македонија, кои ќе дискутираат за предизвиците и реформите на казненото право.
Програмата е намената за млади луѓе со завршени магистерски студии по казнено право или тековни студенти на магистерски студии по казнено право.
Школата за млади кривичари овозможува понатамошен развој и културна соработка на сегашни и поранешни студенти на магистерски студии од областа на казненото право и обука во важни и клучни институти и други законски решенија што претставуваат новина и напредок во реформирањето на материјалното казнено право преку размена на искуства и вештини.
Цели и задачи
Дискусијата ќе придонесе за понатамошен развој и културна соработка на сегашни и поранешни студенти на магистерски студии од областа на кривичното право, како и креирање на политики и препораки за понатамошно јакнење на материјалното казнено право.
Школата за млади кривичари ги има следните цели:
- Истражување на реформата на материјалното казнено право преку интеркултурна неформална дискусија.
- Разгледување и дискусија на сегашните практики и законски решенија од реформата на македонското материјално казнено законодавство.
- Разгледување и дискусија на нови практики и решенија на материјалното казнено право во светски казнени законодавства.
- Дискусија и изготвување на препораки.
Повик за учесници
На Школата предвидено е да земат активно учество 30 учесници:
а) поранешни и сегашни студенти на магистерски студии по казнено право;
б) млади претставници од невладини организации ангажирани во работата за унапредување на казненото право.
Сите трошоци на избраните учесници ќе бидат покриени.
Услови за учество:
Учесниците потребно е да:
– бидат поранешни студенти на магистерски студии по казнено право или сегашни студенти на магистерски студии по казнено право;
– да имаат добро разбирање за прашањата од областа на материјалното казнено право.
Работното искуство во областа на казненото право ќе се смета за предност.
Потребни документи за апликација:
– биографија (CV);
– пополнет апликационен формулар;
– кратко мотивационо писмо (до 1 страница).
Документите за апликација треба да се испратат најдоцна до 15.9.2016 година на young.penalists@gmail.com . Со особена благодарност ќе бидат разгледувани апликациите кои ќе бидат испратени пред предвидениот краен рок.
M.В