Основните лични податоци за граѓаните се водат во: матична книга на родените, матична книга на венчаните и матична книга на умрените. Матичните книги и изводите и уверенијата што се издаваат врз основа на матичните книги се јавни исправи.

Матичните книги ги води Управата за матични книги  и други органи во случаи определени со Законот за матична евиденција.

Матичните книги се водат одделно за секое населено место, според матични подрачја што ги определува Министерството за внатрешни работи и од овластен работник (матичар).

По исклучок, матичната книга на венчаните се води за населени места определени за склучување на брак.