Среда, 30 јули 2014 – Министерството за информатичко општество и администрација денеска промовираше портал преку кој граѓаните и фирмите ќе можат да добијат слободен и бесплатен пристап до податоци од јавен карактер од неколку државни институции.

Пристапот на порталот www.otvorenipodatoci.gov.mk, е отворен за сите правни и физички лица, без законски и технички ограничувања, велат од Министерството за администрација и информатичко општество.

Инаку, со овој проект се опфатени податочни сетови од 11 институции: Агенција за катастар на недвижности, Агенција за електронски комуникации, Министерство за животна средина и просторно планирање, Државен инспекторат за труд, Министерство за финансии, Државен пазарен инспекторат, Државен инспекторат за земјоделство, Државен санитарен и здравствен инспекторат, Агенција за финансиска поддршка во земјоделството и руралниот развој, Државен управен инспекторат и Министерство за економија.

Граѓаните нема да имаат потреба да доставуваат формулари за пристап до податоци од јавен карактер до институциите, туку ќе можат информациите да ги добијат веднаш на порталот.