Како што посочува Судскиот совет, покрај констатирањето на престанокот на функции на судски поротници во Апелациониот суд Скопје и Основниот суд во Ресен и донесувањето одлука за избор на нови судии поротници во овие судови, Советот донел и Одлука за формирање на комисии од редот на членовите на Советот за редовно оценување на работата на судиите и претседателите на судовите во Република Македонија, за 2015 и 2016 година.

Исто така, се вели во соопштението, донесена е и Одлука за утврдување на ориентацискиот број предмети што треба да ги реши судијата месечно во основните судови, апелационите судови, Управниот суд, Вишиот управен суд и Врховниот суд на Република Македонија

На седницата, велат од Судскиот совет, констатиран е и престанок на функцијата судиja поротник на Основен суд Делчево за Димитрина Марковска, по нејзино барање и констатиран е престанок на функција на судии поротници во Основен суд Скопје 1 Скопје, по сопствено барање.

„Донесена е Одлука за времено упатување за вршење на судиска функција на судија Сузана Спасова од Основен суд Кочани во Основен суд Делчево, најдолго за период од 1 година од денот на упатувањето“, се вели во соопштението на Судскиот совет.

M.В