/ Прочитано:

1.288

Судскиот совет ќе ги оценува кандидатите за претседател на Кривичниот суд и на Врховниот суд

Членовите на Судскиот совет на седницата ќе направат проверка на квалитетите и на условите што треба да ги исполнат четворицата судии кои се во трката за претседателското место во Кривичниот суд, актуелниот претседател Владимир Панчевски и неговите двајца противкандидати: Владимир Туфегџиќ и Иван Џолев. Членовите на Судскиот совет вонредно ќе ги оценуваат и ќе направат проверка на работата и на судиите кои се борат да седнат на чело на Врховниот суд, а тоа се: актуелната претседателка Лидија Неделкова и останатите кандидати за претседателската функција: Снежана Бајлозова, Беса Адеми и Јово Вангеловски.

Седница на Судски совет

Судскиот совет денеска на седница затворена за јавноста ќе ги оценува кандидатите за претседател на Кривичниот суд и кандидатите за претседател на Врховниот суд. Станува збор за вонредно оценување на работата на судиите кое го предвидува Законот за судски совет. Членовите на Судскиот совет на седницата ќе направат проверка на квалитетите и на условите што треба да ги исполнат четворицата судии кои се во трката за претседателското место во Кривичниот суд, актуелниот претседател Владимир Панчевски и неговите двајца противкандидати: Владимир Туфегџиќ и Иван Џолев.

Членовите на Судскиот совет вонредно ќе ги оценуваат и ќе направат проверка на работата и на судиите кои се борат да седнат на чело на Врховниот суд, а тоа се: актуелната претседателка Лидија Неделкова и останатите кандидати за претседателската функција: Снежана Бајлозова, Беса Адеми и Јово Вангеловски.

На седницата на Судскиот совет исто така ќе се дискутира и за актуелните случувања и состојби во Основниот суд Скопје 1 – Скопје, а ќе бидат усвоени и извештаите за работа на судовите во Република Македонија за третиот квартал од оваа година.

А. Б.