/Прочитано:

538

УЈП ќе отпочне со присилна наплата на радиодифузната такса

„Со цел обврзниците да не се изложуваат на блокирање сметки и дополнителни трошоци, препорачуваме навремено да проверат дали имаат заостанати долгови, односно доброволно да ги платат.  Потсетуваме дека до донесувањето на најавената измена на Законот за укинување на РДТ, обврзниците имаат законска обврска да ја плаќаат оваа јавна давачка, а за неплатените обврски УЈП има законска обврска да ги преземе сите мерки за наплата“, се вели во соопштението од УЈП.

Управата за јавни приходи ги информира граѓаните и фирмите кои имаат неплатена радиодифузна такса до 30.6.2017 година, да извршат плаќање на долговите во најкусо време, бидејќи, како што се наведува во денешното соопштение, Управата за јавни приходи ќе отпочне со постапки за присилна наплата.

„Со цел обврзниците да не се изложуваат на блокирање сметки и дополнителни трошоци, препорачуваме навремено да проверат дали имаат заостанати долгови, односно доброволно да ги платат.  Потсетуваме дека до донесувањето на најавената измена на Законот за укинување на РДТ, обврзниците имаат законска обврска да ја плаќаат оваа јавна давачка, а за неплатените обврски УЈП има законска обврска да ги преземе сите мерки за наплата“, се вели во соопштението од УЈП.

Притоа, УЈП ги советува граѓаните како да проверат дали имаат долгови.

– УЈП доставува известување (опомена) до обврзникот секој месец, за износот на заостанатиот долг во решението за РДТ. – Со цел да се осигурате дека нема да биде спроведена присилна наплата, извршете проверка дали плаќањата на РДТ се регистрирани во УЈП (преку увид на состојбата на долговите е-РДТ) или доставете доказ за извршената уплата до надлежната даночна канцеларија.

УЈП, исто така, ги информира граѓаните како наједноставно да се плати радиодифузна такса.

– Со цел намалување на времето и трошоците за плаќање на РДТ, без чекање на шалтери, граѓаните може да извршат плаќање на таксата со Visa, Maestro и MasterCard безготовинска картичка преку интернет, користејќи ја електронската услуга „е-радиодифузна такса“ https://etax-fl.ujp.gov.mk/index_rdt.jsp

– Регистрацијата за е-РДТ е бесплатна, брза и едноставна, единствено што ви е потребно е пристап до интернет и е-пошта!

Корисни информации:

– За повеќе информации и техничка поддршка, контактирајте нè преку Инфо- центарот 0800 33 000 или 02/3253 200;

– Совети и препораки за радиодифузна такса (види http://www.ujp.gov.mk/mk/vodic/category/1190);

– Флаер „е-радиодифузна такса“ (преземи http://www.ujp.gov.mk/mk/publikacii/pogledni/59).