Вторник, 7 октомври 2014 – Со ова Упатство се прецизираат надлежностите на УЈП во спроведување на Законот за финансиска дисциплина, односно начинот и формата на поведување на постапката на надзор, обврската за известување, санкции за прекршителите и постапката во случај на непостапување.

• Економски оператори од приватен сектор (трговско друштво, трговец поединец основан согласно со Законот за трговските друштва; и физички и правни лица кои вршат профитна дејност и се регистрирани согласно со закон) имаат обврска да го спроведуваат Законот за финансиска дисциплина („Службен весник на РМ“, бр.187/2013) од 1 Мај 2014 година за деловните трансакции меѓу економските оператори од приватниот сектор, настанати од 1 Мај 2014 година.
• Управата за јавни приходи има надлежност за спроведување на надзор над спроведувањето на Законот за финансиска дисциплина преку инспекциски надзор во приватниот сектор почнувајќи од 1 Јануари 2015 година, за деловните трансакции помеѓу економските оператори од приватниот сектор.

Упатството е наменето пред се за економските оператори од приватен сектор, како и за судовите, извршители и нотари како надлежни подносители на барањата за спроведување на надзор до УЈП.

Преземете го Упатството