Понеделник, 6 април 2015 – Управата за имотно-правни работи и Агенцијата за катастар на недвижности ќе се поврзат електронски заради користење податоци.

Министерството за финансии предлага дополнување на законските прописи од овој дел заради пропишување на правната основа за електронско поврзување меѓу Управата за имотно-правни работи и Агенцијата за катастар на недвижности.

Се предлага дополнување на Законот за денационализација, Законот за експропријација и  Законот за приватизација и закуп на градежно земјиште во државна сопственост.

„Целта на овие законски дополнувања е овозможување за електронско поврзување меѓу Министерството за финансии и Агенцијата за катастар на недвижности заради користење на податоци на Агенцијата, како и овозможување исправите за запишување на правата на недвижностите да се доставуваат по електронски пат“, образложуваат од Министерството.