Среда, 2 септември 2015 – Вкупно 305 слободни места има на Правниот факултет „Јустинијан Први“ во вториот уписен рок што ќе се врши утре, 3 септември. Од нив, во државна квота, правните студии нудат 62 места, политички – 16, политички студии на англиски јазик – 23, новинарство – 19 и дисперзираните правни студии во Тетово – 28.

Најголем број слободни места на вториот уписен рок на студиските програми на Универзитетот „Св. Кирил и Методиј“ во Скопје има на техничко-технолошките науки, вкупно 802 слободни во државна квота. Најмалку места и втора шанса за упис имаат студентите кои ќе сакаат да студираат медицински науки.

УКИМ во вториот уписен рок нуди слободни места за уште 2152 студенти во државна квота, а 2138 во приватна квота, или вкупно за 5291 студент. 

Запишувањето во третиот уписен рок, пак, ќе се врши на 16 септември.

Целата листа на слободни места во вториот уписен рок е достапна на овој линк.

>> АДВОКАТУРАТА – ИНСПИРАЦИЈА НА ИДНИТЕ СТУДЕНТИ ПО ПРАВО: Сакам да студирам право за да бидам адвокат!