„Еуролинк осигурување“ четврта година по ред го објавува огласот за стипендирање на студенти од Правниот факултет „Јустинијан Први“ – Скопје.

„’Еуролинк осигурување’ донесе одлука да се продолжи рокот на аплицирање за доделување на еуролинк-стипендија. Сакаме да ве известиме дека новиот рок за пријавување и поднесување на потребната документација за доделување на еуролинк- стипендија е 10.10.2017 година (вторник). Стипендиската програма е наменета за 25 студенти на додипломски студии и 10 студенти на постдипломските студии“, известуваат од Правниот факултет „Јустинијан Први“.

Кандидатите треба да ги достават документите во печатена форма до: проф. д-р Неда Здравева, Одбор за доделување на еуролинк-стипендија, Правен факултет „Јустинијан Први“, бул. Гоце Делчев, бр. 9Б, 1000 Скопје, во архивата на факултетот и во електронска форма на е-адресата: eurolinkstipendija@eurolink.com.mk.

„Еуролинк-стипендијата“ е дел од корпоративната платформа за општествена одговорност „Еуролинк – вашата врска со вистинските вредности“.

Во прилог се условите за доделување на стипендии. ТУКА.

Во прилог е образецот за пријавен лист. ТУКА.