АКАДЕМИК ОБУКА: Инфраструктурни објекти, постапка за легализација, запишување во катастар, запишување права врз инфраструктурни објекти
Законот за катастар на недвижности и новиот Закон за градежно земјиште содржат повеќе решенија кои предизвикуваат најразличен правен третман во практиката, особено во поглед на уредувањето на градежното земјиште и воспоставувањето подземна, надземна и патна инфраструктура и нејзините карактеристики: премер, легализација и уредување. Во тој поглед, сите присутни на обуката, ќе имаат можност да добијат одговори на своите прашања од директорот на Агенцијата за катастар на недвижности на РМ, г. Славче Трпески, кој воедно е предавач на обуката.
Следејќи го трендот на актуелни теми, на 23 јуни 2016 год. во хотел „Солун“ во Скопје со почеток од 10.00 часот, тимот на Академик ќе спроведе обука на тема: „Инфраструктурни објекти, постапка за легализација, запишување во катастар, запишување права врз инфраструктурни објекти“.
Законот за катастар на недвижности и новиот Закон за градежно земјиште содржат повеќе решенија кои предизвикуваат најразличен правен третман во практиката, особено во поглед на уредувањето на градежното земјиште и воспоставувањето подземна, надземна и патна инфраструктура и нејзините карактеристики: премер, легализација и уредување. Во тој поглед, сите присутни на обуката, ќе имаат можност да добијат одговори на своите прашања од директорот на Агенцијата за катастар на недвижности на РМ, г. Славче Трпески, кој воедно е предавач на обуката.
Фокусот ќе се стави на следниве прашања:
- Воспоставување катастар на инфраструктурни објекти;
- Влијание на подземниот катастар врз катастарот на недвижности;
- Карактеристики на инфраструктурните објекти, премер;
- Запишување објекти на инфраструктурата во јавните книги;
- Легализација на инфраструктурни објекти;
- Хипотеки и закупи врз инфраструктурни објекти;
- Осврт на новиот Закон за градежно земјиште;
- Предбележување на инфраструктурен објект;
- Запишување на инфраструктурни објекти во катастарот на инфраструктури.
Обуката е наменета за единиците на локалната самоуправа и градот Скопје, јавните комунални претпријатија, операторите на електрични мрежи, дистрибутерите на електрична и топлинска енергија, дистрибутерите на гас, телекомуникациските оператори, дистрибутерите на вода за пиење и наводнување, кабелските оператори, градежните компании и сите останати правни субјекти кои имаат, уредуваат или користат инфраструктура, вклучувајќи го и банкарскиот сектор поради новините во можноста за доделување хипотека на инфраструктура.
Воедно, оваа обука како предмет на анализа ќе има и други одредби и нивните правни последици од аспект на Законот за катастар на недвижности и Законот за градежно земјиште.
