Договорите со странските инвеститори ќе станат достапни за јавноста
Договорите со странските инвеститори во економските зони во земјава ќе станат достапни за јавноста. Владата на Република Македонија на седница вчера усвои барање за декласификација на сите договори склучени како државна тајна.
Владата, како што стои во соопштението од владината прес-служба, смета дека е од особен јавен интерес да биде јавна информацијата што е точно договарано со странските инвеститори и поранешната Влада при потпишување на договорите за влез на компаниите во економските зони. Затоа, се додава, Владата усвои барање со кое се бара декласификација на сите договори склучени како државна тајна, кои по спроведувањето на процесот на декласификација ќе бидат целосно и транспарентно достапни на јавноста.