Годишен извештај за работењето на Државната комисија за жалби по јавни набавки
Извештајот за работењето на Државната комисија за жалби по јавни набавки во 2018 година е на разгледување во Собранието.
Во Извештајот се посочува дека Државната комисија има донесено 715 одлуки по изјавени жалби, од кои поведени се 95 управни спорови, односно само 13,29%, што укажува на висока доверба во одлуките на Државната комисија.
Решавањето на предметите е секогаш во законски утврдениот рок, односно 15 дена од доставување на документацијата по предметот. Со цел зголемување на ефикасноста и ефективноста во работењето на Комисијата во Извештајот се укажува дека е потребно:
– определување на поголем буџет на Државната комисија;
– кадровско доекипирање во стручната служба, особено во секторот за решавање по жалби за јавни набавки, концесии и јавно приватно партнерство;
– подобрување на просторните услови за работа во насока на обезбедување на нови простории заради задоволување на работните капацитети;
– автоматизирање на процесите преку интероперабилност, со што ќе се постигне целосна операционализација на процесите во институцијата, како и компатибилност со ЕСЈН;
– редизајнирање на веб-страницата и подобрување на можноста за детално пребарување на одлуките според видот и специфичноста на јавната набавка, како и јавен пристап до информациите со кои располага Државната комисија заради подобрување на транспарентноста и понатамошно зајакнување на довербата во работењето на Државната комисија од страна на економските оператори и договорните органи.
„Во моментот на доставување на овој извештај, Собранието го има донесено новиот текст на Законот за јавните набавки, кој се темели на обврските за усогласување на нашето законодавство со законодавството на Европската Унија, како и општите принципи и начела на јавните набавки, преку кои треба да се обезбеди слободно движење на стоките, слобода за основање, слобода за обезбедување услуги, како и начелата на економичност, ефикасност, конкуренција помеѓу економските оператори, транспарентност, еднаков третман на економските оператори и сразмерност. Примената на новиот закон ќе започне од 1 април 2019 година“, се резимира во Извештајот.
Стапува во примена новиот Закон за јавните набавки
Прописи чиишто одредби стапуваат во примена или престануваат да важат во месец април 2019 година
Новиот Закон за јавните набавки објавен на Академика
Донесен новиот Закон за јавните набавки
Предлог-законот за јавните набавки на собраниска седница
Се воведуваат е-планови и е-жалби за потранспарентни јавни набавки
Министерството за финансии во врска со реформите и јавните финансии
Бирото за јавни набавки ќе врши контрола на ризиците од корупција при јавните набавки
Предлог-законот за јавните набавки пред Законодавно-правната комисија
Новините за јавните набавки образложени на комисиска расправа во Собранието на РМ
Новиот Закон за јавните набавки во собраниска процедура
Анализа за транспарентноста, отчетноста и интегритетот во јавните набавки
Многу ниска конкуренција на локалните тендери
Намалување на бројот на предмети пред Државната комисија за жалби по јавни набавки
Правото на жалба и битните повреди на законот во Нацрт-законот за јавните набавки
Новата алатка која овозможува отворени податоци на електронскиот систем на јавни набавки
Објавен е текстот на Предлог-законот за јавните набавки кој е во фаза на подготовка
Огромни разлики во цените по кои се купувани исти производи и услуги
Во подготовка измени на Законот за јавните набавки
М.В