„Кривичниот совет при Основниот суд Скопје 1 – Скопје, постапувајќи по жалби поднесени од ОЈО за гонење на организиран криминал и корупција, донесе решение со кое ги уважи жалбите на Обвинителството и решенијата на судија на претходна постапка ги преиначи на начин со што е уважен предлогот на ОЈО за гонење на организиран криминал и корупција за определување мерка притвор и против осомничените М.П., Г.Ѓ. и Е.Д.Б., определена е мерка притвор во траење од 30 дена, а поради постоење на причините предвидени во чл.165 ст.1 т. 1 и 2 од ЗКП. Во однос на другите жалби поднесени од странките против решенијата на судија на претходна постапка, откако ќе се произнесе Кривичниот совет и ќе бидат изготвени решенијата, јавноста ќе биде дополнително известена.

Во текот на вчерашниот ден, пред судија на претходна постапка при Основниот суд Скопје 1 – Скопје, спроведено е едно лице опфатено со предлогот на ОЈО за организиран криминал и корупција за определување мерка притвор, а поврзано со настаните од 27 април во Собранието на РМ, за кој по произнесување на спроведените лица во однос на предлогот на Обвинителството, судија на претходна постапка донесе решение со кое го прифати предлогот и на З.С. му определи мерка притвор во траење од 30 дена“, се вели во соопштението на Судот.

Комисијата за деловнички и мандатно-имунитетни прашања ги одобри барањата за притвор на пратеници

Кривичниот суд објави соопштение за определениот притвор на лицата кои ги гони Обвинителството за настаните во Собранието

Одредбите од Уставот и Деловникот на Собранието на РМ за имунитетот на пратениците

ЈОРМ: Триесет и шестмина се гонат за терористичко загрозување на уставниот поредок и безбедноста

М.В