„Советот за оценка на обвинителен акт при Основниот суд Скопје 1 – Скопје кој постапуваше по обвинителниот акт поднесен од страна на Основното јавно обвинителство за гонење кривични дела поврзани и кои произлегуваат од незаконското следење на комуникациите (СЈО) против 21 лице за предметот во јавноста познат како ‘Транспортер’, по добивање и разгледување на приговорите на странките во постапката во однос на обвинението, како и ценејќи ги фактите врз кои е заснован актот, донесе одлука со која го одобри обвинителниот акт. Откако обвинителниот акт, во согласност со АКМИС-електронскиот систем, е распореден на судија Лидија Петровска за понатамошно постапување во Судечкиот совет, ќе биде закажан термин за одржување на главна расправа, за што странките ќе бидат известени, а јавноста ќе биде благовремено информирана“, се вели во соопштението на Основен суд Скопје 1 – Скопје.

М.В