Месечни информатори за дискриминација
Хелсиншкиот комитет за човекови права на Република Македонија, во соработка со Мисијата на ОБСЕ во Скопје, го спроведува проектот „Заштита од дискриминација“. Една од активностите во рамките на овој проект е издавање на месечни информатори кои имаат за цел да ја информираат јавноста за бројот и за видот на случаите на дискриминација регистрирани во земјата на месечно ниво, за поведените постапки за заштита од дискриминација, за судската пракса од домашните судови и Европскиот суд за човекови права, за праксата на Народниот правобранител и на Комисијата за заштита од дискриминација, како и за активностите преземени од здруженијата на граѓани и од релевантните институции во полето на заштита од дискриминација.
