Група пратеници во Собранието на РМ предлагаат измени Законот за животната средина. Со измените, посочуваат пратениците, ќе се уредат надлежностите на градоначалникот на општината, Градот Скопје и градоначалникот на општините во Градот Скопје за забрана на активностите на загадување, за санација на штетните последици и за надоместокот од загадувачот на причинетите штети од загадување на животната средина.

Со измените, образложуваат пратениците, ќе се допрецизираат одредбите со кои е уреден составот на телото надлежно за спроведување на локалниот акционен еколошки план, раководено од градоначалникот на општините и Градот Скопје и ќе се дефинираат локалните мрежи на мониторинг, ќе им се уреди законската обврска за водење на катастар на загадувачи и катастар на животна средина, и обврската за изготвување, односно давање на извештај за состојбите на животна средина, како и соработката со правните лица кои вршат интерен мониторинг.

Со Предлог-законот ќе се дефинираат локалните мрежи на мониторинг, на општините и Градот Скопје ќе им  се даде законска обврска за водење на катастар на загадувачи и катастар на животна средина, и обврска за изготвување, односно давање извештај за состојбите на животна средина, како и соработката со правните лица кои вршат интерен мониторинг.

Со новите законски измени и дополнувања мислењата што ги даваат органите на општината и Градот Скопје во постапката за донесување на решенија за согласност на студијата за оцена за влијанието на проектите врз животната средина и А-интегрираните еколошки дозволи се задолжителни, а со тоа и обврска на носителот на А-интегрираната еколошка дозвола е да ги известува градоначалниците на општините и Градот Скопје за нејзино спроведување.

Со предложениот закон ќе се уредат и правото и обврската на локалните органи за мониторинг на животната средина да контролираат и да пријавуваат прекршување на граничните вредности на емисии во А-интегрираните еколошки дозволи како услов за одземање на дозволата, утврдено со правосилни решенија на Државниот инспекторат за животна средина и обезбедување на финансирање на локалните мрежи на мониторинг.

М.В