/Прочитано:

527

Законските измени за платите на судските и на јавнообвинителските службеници влегуваат во процедура на донесување

Министерството за правда подготвува измени на Законот за судска служба и на Законот за јавнообвинителска служба.

Од Министерството за правда велат дека постојат непрецизности во начинот на дефинирање и исплата на додатоците на платата на судските службеници и на платата на јавнообвинителските службеници.

Во таа насока, целта на предложените законски решенија е допрецизирање и уедначување на додатоците на плата на судските службеници, како и на платата на јавнообвинителските службеници.

Од УПОЗ истакнуваат дека измените на Законот за судска служба со кои вработените во судовите ќе добијат додатоци на плата до 35% влегуваат во процедура за донесување.

„Веднаш по завршувањето на состанокот на Синдикатот на УПОЗ и Здружението на судска администрација (ЗСА), одржан на 03.12.2018 година, претставници на Синдикатот и ЗСА беа во Министерството за правда и доставија предлог за измени на Законот на судска служба (ЗСС), со кои и вработените во судовите ќе добијат додатоци на плата во висина од 35%.

Од страна на Министерството за правда бевме информирани дека министерката за правда веднаш дала одобрение овие измени итно да се објават на веб-сајтот www.ener.gov.mk, со што официјално измените на ЗСС влегуваат во процедура“, велат од УПОЗ, од каде што пред неколку дена најавија штрајк, доколку не се најде конечно решение за судските службеници.

Со Законот за судска служба се уредуваат правата, должностите, одговорностите на судските службеници, системот на плати и надоместоци на плати на судските службеници. Со Законот за јавнообвинителска служба, исто така, се уредуваат правата, должностите и одговорностите, како и системот на плати и надоместоци на плати на јавнообвинителските службеници.

Соопштение на УПОЗ за најава за штрајк доколку не се најде конечно решение за судските службеници

УПОЗ бара оставка од Судскиот буџетски совет

УПОЗ: Штрајкот продолжува. Штрајкувачите ќе лобираат кај пратениците и претседателите на судови за поддршка на барањата

ШТРАЈК НА СУДСКАТА АДМИНИСТРАЦИЈА: Преговори со надлежните институции закажани за идната недела

„Бараме да се повлечат лошите закони“ – протест на судската администрација

ДА СЕ ВРАТИ СТАРОТО РАБОТНО ВРЕМЕ ОД 7:30 ДО 15:30 – едно од барањата на УПОЗ и ЗСА на утрешниот штрајк

ШТРАЈК НА СУДСКИТЕ СЛУЖБЕНИЦИ: „Да се измени штетниот и демотивирачки Закон за судска служба!“

„Ќе ја бојкотираме работата на судовите доколку не се измени Законот за судска служба“ – БОРЧЕ МИРЧЕСКИ, претседател на Здружението на судска администрација

 ЗДРУЖЕНИЕТО НА СУДСКА АДМИНИСТРАЦИЈА БАРА ИЗМЕНИ НА ЗАКОНОТ ЗА СУДСКА СЛУЖБА: Законот е противуставен, демотивирачки и дискриминирачки

НЕ БИДЕТЕ ОПУШТЕНИ, МОЖЕТЕ ДА БИДЕТЕ ОТПУШТЕНИ – УПОЗ ги повикува судските службеници, судските полицајци и административните службеници на првомајски протест

М.В