На обуката се дискутираше за бројни теми поврзани со правилното спроведување на постапките за доделување на договори за јавни набавки, како што се: подготовката на техничките спецификации со користење на мерливи барања и услови во спецификациите; обврската за спроведување на определени видови на постапки за јавни набавки со користење на е-средства, како и обжалувањето на е-набавките.

Исто така, на обуката се анализираше и комплетната постапка за доделување на договор за јавна набавка со користење на е-средствата, а беа презентирани и практични примери.

Посебен акцент се стави и на решавањето на проблемите од секојдневната работа во врска со спроведувањето на постапките за доделување на договори за јавни набавки, во согласност со одредбите од Законот за јавни набавки.

Предавачи на обуката беа  Маја Малахова, м-р по правни науки, претседателка на Државна комисија за жалби по јавни набавки, Татјана Пешевска, дипл. ек., раководител на внатрешна ревизија, овластен државен ревизор и сертифициран обучувач за јавните набавки и Ирена Стоименова, дипл. ек., советник за комерцијални работи и сертифициран обучувач за јавните набавки.

На денешната обуката се споделија и практични искуства во врска со правилната подготовка на техничките спецификации со цел да се обезбеди соодветното потребно ниво на квалитет на стоки/услуги или работи што треба да се набават.

Беше елаборирано и правилното дефинирање на критериумите за способност со цел осигурување на доволен број на економски оператори кои ќе го имаат потребниот капацитет да ја реализираат набавката.

Одлични импресии, квалитетни дискусии, искусни предавачи, корисен амбиент за размена на знаења и информации, обука што ги надминува стандардите во едукациониот пристап – беа само дел од коментарите на учесниците коишто искажаа големо задоволство што можеа да бидат дел од настанот што беше инспиративен простор за комуникација, за интеракција и за едукација.

„Веќе третпат сме на обуките на Академик и навистина се извонредни. Ќе доаѓаме и во иднина бидејќи навистина има што да се слушне на обуките. Исто така, треба да се спомене дека за темата за јавните набавки најбитни се практичните искуства и примери. Добро е што на обуките на Академик се става акцент на тие работи, а не само на сувопарна елаборација“, Звонко Димоски и Анка Василевска,  Државен архив на Република Македонија.

„Обуката е за поздрав. Особено е важно што се кажаа голем број на примери и практични презентации за проблематиката на јавните набавки. Можеа да се слушнат извонредни предавања“, Никола Крстевски, Филолошки факултет.

„Добро осмислена и реализирана обука. Предавачките имаа одлични дискусии, се разјаснија многу дилеми поврзани со правилното спроведување на постапките за доделување на договори за јавни набавки“, Валентина Петровска, Музеј на Град Скопје.

„Прекрасна обука. Многу е корисно тоа што може да се добијат директни одговори на прашањата и што се споделуваат искуствата со колегите. Воедно е значајно што се обезбедува едукација во што предавачките максимално се вложија“ Елица Урумова, Винарија „Сковин“.

„Супер е обуката. Ќе биде корисна за нашето работење. Предавањата беа корисни, организацијата успешна. Задоволство беше да се биде дел од оваа обука“, Милена Мaрковиќ, Општина Карпош.

„Често доаѓаме на обуките на Академик и повторно го имаме истиот коментар, а тоа е дека обуката помина беспрекорно, посебно предавањата беа одлични“, ФОД ДООЕЛ Новаци.

На обуката се говореше за подготовката на технички спецификации со користење на мерливи барања и услови во спецификациите со цел добивање квалитетни стоки, услуги или работи, се разменија искуства и практични примери во таа насока, потоа се говореше за најчестите грешки и упатства при дефинирање на критериумите за способност, иновативноста во набавките на стоки и услуги, спроведувањето на електронски постапки за доделување на договори за јавни набавки и за електронскиот систем за јавни набавки (ЕСЈН), образложен низ практични примери.

Исто така, обуката беше концепирина во насока на образложување на законската обврска за спроведување на електронските постапки за јавни набавки преку Електронскиот систем за јавни набавки, еднаковиот третман и недискриминација кај економските оператори со истовремено обезбедување квалитетни стоки, услуги или работи со рационално и ефикасно искористување на планираните средства кај договорните органи.

Како што беше потенцирано на обуката, за исполнување на овие работи неопходно е правилното дефинирање на предметот на јавната набавка, правилното дефинирање на карактеристиките во техничките спецификации, како и дефинирање на минималните критериуми за способност на економските оператори.

Во таа смисла, на обуката се развија дискусии за иновативноста во набавките на стоки и услуги – изнајмување наместо купување,  како и за обврската за спроведување електронски постапки преку ЕСЈН во најмалку 30% од објавените огласи во 2016 година.

На обуката предвачи беа Маја Малахова, м-р  по правни науки  – Претседател на Државна комисија за жалби по јавни набавки, Татјана Пешевска, дипл.екк. – раководител на внатрешна ревизија, овластен државен ревизор и сертифициран обучувач за јавните набавки со долгогодишно практично искуство во спроведувањето на постапките за доделување на договори за јавни набавки и Ирена Стоименова, дипл.екк., советник за комерцијални работи и сертифициран обучувач за јавните набавки со долгогодишно практично искуство во спроведувањето на постапките за доделување на договори за јавни набавки.

„На обуката споделивме практични искуства во врска со правилна подготовка на техничките спецификации со цел да се обезбеди соодветно потребно ниво на квалитет на стоки/услуги или работи што треба да се набават, како и правилно дефинирање на критериумите за способност со цел осигурување на доволен број на економски оператори кои ќе го имаат потребниот капацитет да ја реализираат набавката. Дел од обуката беше посветен на законската обврска за спроведување на е-набавки преку ЕСЈН која стапува на сила од 1 јануари 2016 година, со што неминовно се наметнува потребата од  подготвка и прилагодување на договорните органи и економските оператори на ваквите промени. Освен ова, на обуката се дискутираше и за бенефитите кои можат да се добијат доколку внесеме барем малку иновативност во набавките. Станува збор за примена на нов концепт за набавка на стоките кои вообичаено ги набавуваме во замена за досегашниот начин на набавка. Обуката беше заокружена како целина со излагањето на претседателот на Државната комисија за жалби по јавни набавки која ги изложи примерите од пракса за најчестите повреди во спроведувањето на постапките за доделување на договори за јавни набавки“, истакнуваат предавачките Малахова, Пешевска и Стоименова, за кои учесниците на обуката подвлекуваат дека имале одлични презентации.

„Предавачите на обуката беа извонредни, имаа многу корисни презентации што оваа обука несомнено ја прави од исклучителна корист за нас. Концептот на обуката беше убаво осмислен, со акцент на практичните примери, а тоа е за поздрав“, Емилија Јовановска-Стојанова, раководител на оддел во ЕЛЕМ АД Скопје.

„На обуката се искажаа доста работи поврзани со практиката за јавните набавки, што е наш домен на интерес, бидејќи истите ги применуваме во практиката. Можеше на оваа обука да се слушнат многу аргументации, многу образложенија и корисни податоци“, Букурије Кадрии, ЈЗУ Општа болница-Куманово.

„Да, ова беше навистина корисна обука, научивме корисни работи. Ова е и таква тема кога мора да има еден континуиран пристап и едукација, па затоа и сме тука, да слушнеме како се толкуваат работите од предвачките кои се непосредно упатени во проблематиката“, Александра Николоска и Елвир Иљазоски, Агенција за разузнавање.

„Оваа област бара многу повеќе простор и време за образложенија, за вакви теми и ваква материја требаат и два-три дена да се говори. Но, ова што го слушнавме тука одговори на одредени дилеми, но остава, како што рековме, простор и понатаму да се говори за уште прашања“, Елена Дранговска, Ана Ќурапова и Ана Димеска, АД за изградба и стопанисување со станбен и деловен простор од значење за Републиката – Скопје.

„Конкретни презентациии, јасни и концизни. Корисни, пред сè. Тоа е мојот впечаток од обуката, која беше и добро организирана“, Мартин Мартиновски, Винер – Виена Иншуренс Груп АД Скопје.

„Презадовлни сме од обуката, супер беше реализирана. Внимателно ги слушавме предавачките, имаше простор за дискусии, имаше простор да се разменат искуства и што е најважно имаше простор да се иницираат прашања кои се во насока на корисни советувања, а тоа е најбитното кога се применува некое законско решение“, Даниел Јанчев и Олга Манчевска, Агенција за пошти.

„Добра беше обуката, имаше повеќе теми кои се елаборираа. Овие теми бараат можеби пооделно да се дискутираат со оглед на тоа дека на обуката се кажуваа многу информации и совети. Инаку, дискусиите на предавачките беа коректни и корисни“, Душко Мироновски, ДП Варус ДООЕЛ Скопје.

„Сме ги слушале предавачки и порано и навистина имаат одлични дискусии, а ако се предавањата добри тогаш и обуката мора да е таква. Како резиме може да се заклучи дека обуката не само што беше корисна, туку беше и мошне интересна и интерактивна“,  Соња Костадиновска и Пецо Шурбевски, ЈП Стрежево – Битола.

„Многу сме задоволни од предавањата, предавачките се професионални, а тоа може веднаш да се констатира од начинот на презентирање. Тоа што го дознавме ќе го примениме, тоа што беше како дилема, ќе гледаме да го разјасниме од она што се образложи, а гледано низ праксата“,  Сашко Трајков и Мирка Тодосиева, ЈП Водовод – Кочани.