Од Oбвинителството на БиХ соопштија дека во повеќе градови во земјата се спроведува акција со кодно име „Месо“.Како што дознава „Аваз“ меѓу уапсените се федералниот министер за земјоделство, водостопанство и шумарство Јерко Иванковиќ Лијалновиќ, како и неговиот брат. Новинарите на „Аваз“ телефонски контактирале со Малден Иванковиќ Лијановиќ, претседател на партијата „Со работа до добивка“, кога тој им потврдил дека е уапсен неговиот брат, но уште додадл дека токму во тој момент го апсат и него: „Еве и мене во моментов ме апси СИПА“. Потоа, според пишувањата, следело прекин на телефонската врска. „Аваз“ пишува дека е уапсен и министерот за трговија во владата на Федерацијата БиХ и член на партијата „Со работа до добивка“. По налог на обвинителството на БиХ, акцијата се спроведува на подрачјето на Сараево, Мостар, Широки Брег и Груда, пишува „Ал џезира“. „Се работи меѓу останатото и за даночни затајувања во износи од повеќе од 11 милиони конвертибилни марки (5,5 милиони евра), кои се направени со формирање и подоцнежни фиктивни гаснења на претпријатија, со оставање на голем долг за данок. Наведените претпријатија се занимавале со увоз, производство и преработка на месо и месни производи. За наведените повеќемилионски износи е оштетен буџетот на БиХ, а на тој начин и сите граѓани на нашата земја. Активности се спроведуваат во вкупно 14 локации во градови низ Босна и Херцеговина, а ќе бидат реализирани лишења од слобода на околу 10 осомничени лица, и претреси во три претпријатија“, се наведува во соопштението на Обвинителството. Меѓу осомничените има и звучни имиња од стопанското и јавно милје во Босна и Херцеговина.