Извештајот со резултатите од вкрстените проверки на Избирачкиот список Државната изборна комисија ќе го разгледа на јавна седница на 16 март по што ќе се започнат подготовки и активности за спроведување на теренската проверка, информираат од ДИК.

„Сите граѓани кои не ја искористиле можноста да пријават нерегуларности на податоците во Избирачкиот список на веб страната, ќе можат тоа и понатаму да го направат преку подрачните одделенија и канцеларии на ДИК“, велат од Комисијата и информираат дека пријавувањето на нерегуларности во Избирачкиот список преку веб-страната е завршено.

Можноста да пријават нерегуларности во податоците на Избирачкиот список до сега ја искористиле околу
5 000 граѓани.

„Државната изборна комисија со сите пристигнати пријави соодветно ќе постапи на начин што дел од известувањата на граѓаните ќе бидат предмет на административни проверки преку евиденциите нанадлежните органи, а за известувањата на граѓаните за грешки во евиденциите за живеалиште, по утврдување на основoт на истите, ќе се постапува по спроведените вкрстени проверки“, велат од ДИК.