Презентација на новиот проект за масовна проценка на недвижностите
Агенцијата за катастар на недвижности воведе нов проект за масовна проценка на недвижностите, кој ќе биде презентиран денес.
На презентацијата на новиот проект ќе се обрати директорот на Агенцијата за катастар на недвижности Славче Трпески, кој освен за новиот проект ќе говори и за извештајот од регистарот на цени и закупнини.
Системот за масовна проценка на недвижностите е систем кој ќе им овозможи на општините едноставен и изедначен начин на наплата на данокот на имот и кој ќе овозможи точни податоци за пазарната вредност на недвижноста на комерцијалните банки, проценителите и сите државни органи во секое време.
Регистарот на цени и закупнини претставува дел од системот за масовна проценка на недвижностите, односно почетен влез на податоци кои ќе ги користи системот за масовна проценка.