Социјалдемократскиот сојуз на Македонија денеска поднесе иницијатива во Собранието на Република Македонија за, како што велат, свикување, односно продолжување на конститутивната седница.

Од СДСМ велат дека и покрај тоа што Деловникот на Собранието не го бара тоа, тие ги доставиле и 67-те пратенички потписи.

Очекуваат Трајко Вељаноски веднаш да свика продолжение на конститутивната седница на Собранието на Република Македонија, нагласувајќи дека оваа клучна институција како претставнички орган на граѓаните на Република Македонија треба да почне да функционира, односно мора да работи и да функционира во интерес на државата.