Преку оваа постапка им се овозможува на сите правни лица да ставаат стока во царинска постапка со поедноставена декларација во форма на административен или друг комерцијален документ како и во форма на непотполна декларација ва образец на ЕЦД.

За стоката ставена во постапка на тој начин декларантот на крајот од пресметковниот период мора да достави дополнителна декларација.

Опис на постапката

1. Барањето за одобрение за поедноставена постапка за декларирање при увоз се поднесува на пропишан образец (Прилог 7 Образец ПУ од Упатството за поедноставени постапки) до надлежната Царинарница.
2. Надлежната Царинарница се определува според местото каде поедноставената постапка ќе се извршува или каде ќе се поднесува дополнителната декларација.
3. Барањето го разгледува формално и содржински овластена Комисија.
4. По комплетирање на истото се врши контрола кај подносителот на барањето заради оцена на условите за барана постапка.
5. Административна такса за одобрение е 500,00 денари и административна такса за барање е 50,00 денари.
6. Одобрението го дава надлежната Царинарница.

Времетраење на услугата: 30 дена.

Потребни документи

1. Барање за поедноставена постапка за декларирање при увоз;

2. Административна такса за одобрение во износ од 500,00 денари (уплатница);

3. Aдминистративна такса за барање во износ од 50,00 денари (уплатница);

4. Список на стоките (два примерока) и

5. Список на одговорни лица.